民建聯200名黨員前日拉大隊返深圳搞路向營，主題係「發展壯大，迎接未來」。民記主席譚耀宗話，中聯辦主任彭清華、星島雜誌集團行政總裁黎廷瑤，中大政治與公共行政系講座教授王紹光，都有出席向民記教路。當中彭清華炒前國家副主席曾慶紅冷飯，要求民記「內強素質，外樹形象」，要做多啲政策研究。
民記喺營中定出明年收o靚目標，就係一年內，將萬四名黨員增至二萬。民記噚日又推出另一項變相派錢措施，市民嚟緊一年只要透過該黨支部，喺香港和解中心搞金額不多於100萬嘅和解，頭四粒鐘服務即可免收費，民記話每單可幫人慳番幾百蚊喎。