林峯、楊怡、馬國明、沈卓盈及麥長青等無綫劇集《談情說案》演員，昨日在一片被指抄襲日劇《神探伽利略》聲中，在奧海城舉行慶祝活動，但並非慶祝《談》劇收視有新突破，而是在tvb.com網上點擊率突破85萬。
死撐唔係抄日劇
眾演員昨日即場重演劇中談情片段，楊怡為林峯煮午餐肉煎蛋公仔麪，但連電磁爐也不懂怎麼使用，又將煎好的午餐肉放在未煮的公仔麪上，楊怡邊煮邊投訴說：「呢個出咗街我實嫁唔到好老公，啲人以為我唔識煮。」難怪林峯一開始已經說：「可唔可以調轉由我煮，楊怡煮嘢我有啲驚。」他還自詡廚藝比楊怡好，又示範單手打蛋兼幫手煎蛋，但反蛋時卻將蛋汁濺在楊怡身上。
此外，《談》劇播出以來一直被外間圍插抄日劇，連日本傳媒也有報道，但眾演員昨日繼續強辯，林峯說：「韓劇都有抄港戲，好多地方都抄香港武打片。」楊怡則說：「我冇睇過，應該只係相似唔係刻意。」對於有人批評林峯連手勢也學足《神》劇男主角福山雅治，楊怡說：「先入為主，我都唔似柴崎幸啦！」
採訪、攝影：魯萍
