開始懷疑熱愛本地電影嘅牽牛兄，同劉華有私交，昨日拜讀完牛兄喺本欄講睇《打擂台》（老闆係劉華）嘅感想，轉過頭又收到佢慷慨送上呢部電影嘅贈券乙張，但感激之餘，牛兄，下次可否喺專欄講少啲電影劇情？留番啲神秘感好啩！
斯國強勢或係假象
講到打擂台，今屆世界盃就由南非擺擂台，其他幾支非洲隊某程度都有半個主場之利，當出現旗鼓相當嘅戲碼時，值得撐非洲隊。基於呢點，今日場阿爾及利亞對斯洛文尼亞嘅C組賽事，當然要阿爾及利亞。
睇足智彩近績，斯洛文尼亞一面倒佔優，但友賽嘅參考價值低到無倫，斯洛文尼亞嘅強勢只係假象。如果佢哋將帥認為喺外圍賽爆冷砌低俄羅斯，就有望成為決賽周異軍讓埋盤咁巴閉，怕且係發春秋大夢，正如小弟噚日喺〈榜尾有話兒〉出現，到今日無端端做咗蘋果旺人，明日隨時又跌番落去，春夢醒完再發過。文：藍鑽石
今日貼士
星期日2阿爾及利亞（下）
信心指數：★★★★