亨泰（197）本年度業績大翻身，但ChinaPlay仍然得單位數PE，亨泰抵買。亨泰主打祖國多元化消費品分銷，冷凍鏈物流兼上游農業。2010年半年度（12月底止），亨泰純利大幅增長80%，到1億元，兼追貼09年全年度純利1.1億元，業績已經靚爆鏡。隨住金融海嘯過去，內需購買力釋放，照計，集團全年度都咁好境。唔好計多，亨泰2010年全年度純利，係咁易翻一番到2億元，預期PE為9.1倍單位數。市場裏面嘅內銷、內需及農業股，PE隨時講繄20、30倍，亨泰勁平。而亨泰最新持有現金4.2億元，債項得2.5億元，手頭淨現金1.7億元，又係現金牛一族，安全到爆。呢轉博亨泰翻半番到1.02元，集團2010年度嘅目標價PE，都係講緊得13.5倍，實情仲有大把向上空間。
短打麗豐博升2成
麗豐控股（1125）2010年上半年度（1月底止）純利勁升1.5倍到3.6億元，又係好追貼09年全年度純利4.06億元，中期純利墊底因素勁。又當麗豐2010年度純利，只係維持到09年度水位，預期PE都係得4倍幾，過渡阿爺內房調控期，再發力，明年度純利，肯定仲爆炸。呢轉短打麗豐，博升20%到0.29元，麗豐嘅NAV折讓，仍然高達69%，仲係十分低殘。
錢雋