一向扮嘢有一手嘅江欣燕噚日幫手去將軍澳電視城錄影節目《荃家福祿壽》，佢就扮番拿手嘅梅姐梅艷芳，佢話：「今次係阮兆祥叫我嚟幫手，好多年前扮過梅姐，會唱佢首《烈艷紅唇》。」對於有人話佢會喺第二輯替代阿姐汪明荃嘅主持位置，欣欣就話未聽過，佢話：「冇通知喎！冇諗過取代佢，我接受到阿姐嘅唱腔。」