趁世界盃未開鑼之前，走去睇吓戲，繼續支持本地製作，睇咗《打擂台》；套戲除咗講挑戰自我嘅武術精神，亦講出新舊文化嘅衝突。好似舊派武館羅新門門庭冷落，更面對清拆嘅命運，好似菜園村咁被認為阻住地球轉，同新派武館主要幫女仔減肥燒脂，又毫無尊師重道精神，連歐陽靖收到挑戰書，都係叫黃又南e-mail畀佢就得，真係好大反思。
南韓兵有火花
周六場南韓對希臘，兩隊都係食緊老本，南韓02年殿軍功臣，仲有朴智星、李雲在喺陣中，希臘就仍然用緊04年歐國盃冠軍教練列哈格；不過新舊球員合作，南韓就有火花好多，受讓平/半支持下盤。李青龍、朴主永、寄誠庸，都係球隊冒起嘅外流新星，以老帶新；以南韓友賽西班牙，全場不落下風，最後只輸一球，希臘攻力何止比西班牙低三班。
牽牛
今日貼士
星期六2南韓（下）
信心指數：★★★
註：5★最高