江若琳、諸葛梓岐同丁子高噚日喺海港城宣傳世界盃，齊齊踢巨型足球。江若琳最迷巴西球星卡卡，佢話：「好好仔，又乖仔又靚仔。」唔睇球技？佢自認膚淺話：「女仔都係睇個頭，多過睇球，個身都唔睇o架喇。」佢又澄清冇同陳鍵鋒着同一件衫，強調兩人只係朋友唔係拖友。諸葛就話鍾意西班牙王子費蘭度托里斯，一樣係睇中對方靚仔又大隻。