「我哋唔係要住大屋坐靚車，我哋唔係要過明星嘅生活，我哋只係band仔！」這是Mr.的心聲。入行三年、打破band仔冇出頭宿命，火速踏上紅館開騷，Mr.說今日所得的一切，已遠遠超乎他們的想像。 撰文：李珮洳
本地樂隊Beyond是band友們心目中永遠的icon，橫跨逾20年無人能取代，等了多年，終於等到Mr.。曾有人形容Mr.是新Beyond，有網民質疑：「憑乜嘢？」但一曲《如果我是陳奕迅》唱到街知巷聞，更厲害的是唱到上紅館。
感激阿倫、Eason
Mr.日前接受本報記者專訪，低音結他手Dash覺得他們現時不可以叫做紅，他說：「我真係唔覺得我哋好紅，夾band咁多年，經歷過冇人理冇人識嘅日子，家只不過係多咗人知我哋叫乜嘢名、多人聽咗我哋嘅歌，Mr.距離紅仲有好大段距離。」
名利來得快，不少新晉歌手很容易被冲昏頭腦，前車可鑑，Mr.更明白感恩的道理，更重要是認清現實：若不繼續努力，現時擁有的一切或許會化為烏有。結他手MJ說：「如果唔係天時地利人和，就唔會有今日咁嘅成績，我哋好感激校長（譚詠麟）、Eason（陳奕迅）、好多監製同公司嘅支持。」
Band友危機感
每次做訪問，Mr.與「窮」字幾乎畫上等號，收入與名氣不相稱，明明人紅勢頭好，Mr.卻唔恨做明星；明明等錢開飯，但他們又不屑於過明星級紙醉金迷的優質生活。自命清高？原來一切源於band友的危機感，主音Alan說：「我哋成日都講笑話第時要住半山，但我哋根本唔係要住大屋坐靚車。我成日提醒自己，我哋只係band友，名利唔係一切，最緊要係做番自己。呢排我哋成日睇番演唱會隻DVD，都提醒自己要做得更好。」
合久必分，似乎是樂隊必經之路，而且樂隊中多數以主音歌手最受歡迎，問到Alan會否計劃獨立發展？他說：「唔會，Mr.冇咗是但一個成員，大家都唔會再見到有Mr.，我哋走埋一齊就係因為大家都鍾意夾band。」
Dash說：「我哋之前同阿Paul（黃貫中）傾過偈，佢話我哋經歷過嘅佢都經歷過，反而佢經歷過嘅艱難日子，我哋未必見過。其實Mr.比起Beyond已經好幸福o架啦，所以我哋一定會聽阿Paul講，做好自己嘅音樂，繼續發揚bandsound。」
保母車變家事法庭
熟識Mr.的人一定知道，五子每次出席活動，都是由成員Dash負責揸保母車接載其他拍檔去到會場，不是唱片公司要節省資源，而是他們希望擁有私人空間。
落車唔准再提
鼓手Tom解釋：「架保母車係我哋嘅家事法庭，大家有乜嘢唔妥，就會喺架車入面講晒出嚟，規矩就係落車之後唔准再提。」
Dash表示公司曾多次提出提供司機給他們，不過他們覺得這架七人車就是他們的小小天地，內裏滿載五人的秘密。
場地提供：香港保齡球城
服裝提供：CheapMonday
髮型：WilsonofP.O.P.
