世界盃一開波，林海峰就唔得閒，朝早與李克勤於《在晴朗的一天出發》講波，亦分身為世貿中心設計30METHINGMr.PANEL世界盃T恤，10呎高的巨型Mr.PANEL現正在wtcmore世貿中心展出。
記者：吳允冲
攝影：陳陶鈞
問：為何會用Mr.PANEL？
Jan：嗰個足球上面嘅花瓣叫做Panel，係我最深刻印象嘅，所以用咗佢做題材；黃同綠就係今屆南非世界盃主要顏色。
問：今屆捧邊一隊球隊？
Jan：我捧所有非洲球隊，因為喺人哋地頭，你知南非嘅犯罪率好高，尤其係華人好危險o架嘛！
問：有邊一隊你睇淡？
Jan：睇淡呀……一定係半夜（進行球賽）嗰啲啦，因為我第二日要返工，我自己就睇得好淡……
問：邊個球員你最熱捧？
Jan：我無乜特別捧一個，我好OldSchool的，仲係碧咸，以一個球員嚟講，佢仲示範緊點繼續踢落去，係好難得o架！家好多球員有好多負面新聞，佢仲算潔淨，As一個地球Icon佢都係做咗示範動作。紅嘅時候梗係鍾意佢靚仔，但家睇佢反而先至係最好，你睇吓佢幾有趣，佢鍾意踢世界盃鍾意到一個地步，係佢無得踢都要跟住踢！自己練波，又要跟埋去，都唔知做乜係咪先！我係佢老婆都斬咗佢！晒頭呀真係……
問：邊一場賽事你最期待？
Jan：期待……好似上一屆如南韓、意大利呀……嗰啲先夠劇力萬鈞，既悅目又感動又有劇情，運動比賽講到最尾都係要觸動人嘅情感，先令人有感覺。
問：預計決賽係邊兩隊對壘？
Jan：我估其中一隊一定係巴西，另一個……我希望係我自己就好啦！
Mr.PANEL別注換領
Mr.PANEL別注版T恤及「Mr.PANEL世界杯」，可於6月19日-7月11日（逢星期六、日），於銅鑼灣wtcmore世貿中心地下至13樓商戶消費滿$1,500（最多累積2張由不同商戶發出的即日機印發票）即可免費換領。
查詢：25764121