南非世盃決賽周今日展開，球迷都為自己喜愛嘅球隊打氣而各出奇謀；而喺德國，就有11位樣靚身材正嘅美眉，喺德國版《花花公子》替德國國家隊「獻身」打氣。
德國喺今屆世盃展開前，頻傳主力受傷而退隊嘅不利消息，除咗有龍門艾達同防守中場路菲斯打唔到，連原本嘅隊長波歷克都冇埋，為咗振奮德國士氣，24歲嘅珊迪娜、29歲嘅舒莉雅、20歲嘅卡特蓮娜同21歲嘅法蘭絲卡等11名靚女，一於坦蕩蕩幫7月號嘅德國版《花花公子》影相兼拍片。
呢班靚女絕對可以一次過滿足晒唔同口味讀者嘅需要，最抵死嘅係，雜誌仲幫佢哋11人分埋位置，組織一支攻守兼備嘅「兔女郎足球隊」，其中中堅舒莉雅仲「棄暗投明」，佢話：「雖然我係澳洲人，但今屆澳洲實力不濟，我梗係支持德國啦！」
美國隊搵索女sell球衣
如果佢哋入埋場親身同德國打氣，仲企喺德軍龍門後面做埋性感動作，面對呢班「波濤洶湧」，而且絕大部份係真材實料、冇人工添加成份嘅美女，相信今屆世盃其餘31隊，都未必把持得住，德國仲唔得米？其實，《花花公子》為世盃出咗唔少力。因為唔單止德國，早前喺英國亦有《花花公子》女郎艾蓮娜，拍咗一個既有趣又有睇頭嘅MV為英格蘭打氣。
另外，美國國家隊為咗吸引更多人注意世盃兼打氣，喺4月推出世盃版球衣時仲創先河，唔搵球員或者一般模特兒示範，反而搵《花花公子》模特兒着住新球衣示範，佢哋咁做仲引嚟好多正面回響添！梗係啦，無論男女，都寧願睇啲曲線玲瓏嘅靚女，而唔睇麻甩佬示範球衣啦！
當年今日：11/06/1986
英格蘭在關乎出線的F組賽大勝波蘭3:0，最終成為該屆神射手的連尼加是役連中三元。英軍得以次名身份晉身16強。
句句金
「施薩索拉斯是現今世界球壇最佳門將！」
國際米蘭的「3冠王」門將施薩索拉斯有輕微腰傷，與他爭任巴西正選門將的熱刺門將靴里奴高美斯「賣口乖」大讚「師兄」。