花旗股市前晚又玩過山車，先炒高後倒跌，不過大局未變，話唔定噚晚又炒番上去。
前日A股突然挾高，帶動港股升咗百幾點，不過噚日A股冇力再上，港股又變番窄幅上落，靜到暈，恒指最後升11點，報收19632。睇番啲重磅恒指股，好多隻都想郁上去，今日或者下禮拜一應該有動作。
中移動C輪22236：中移動（941）昨收76.95元，升近1%。股價走勢強，係近日支撐大市嘅主力，短炒睇81.50元，可以諗吓隻C輪22236。
隻輪現價19.7仙，2010年10月27日到期，行使價88.08元，溢價17%，引伸波幅31.1%，有效槓桿率9.7倍，正股升上81.50元，22236睇32.6仙，正股跌穿75元就沽咗隻輪。
俊樺