曹格去年因和側田醉酒打架而鬧上法庭，被判守行為一年，毋須留案底，當日曹格承諾戒醉不戒酒，近日有報道指曹格又飲酒又跟索女影親密照，曹格表示對於被屈嬲到震，但他依然按捺得住。
報道指有索女在Facebook上載和曹格的親密相，曹格露出醉態並挨在女方膊頭。曹格昨日透過唱片公司指摘失實報道，他說：「張相係舊年5月我同老婆去布吉出席朋友生日時影，個女仔係我好朋友嘅女朋友，絕對唔係呢幾個月發生。」曹格老婆對老公絕對信任。
「已經好自律」
曹格說：「經過嗰件事，我真係已經好自律，不知不覺已經冇飲酒好耐。」但經常被指再飲醉酒，會否打擊決心？曹格說：「咁又冇，因為老婆、家人同同事都好支持自己。」他坦言沒有酒癮，現只等待另一個小生命出世。
採訪：葉雪