甄子丹掀起的「葉問熱」，連帶杜宇航主演的《葉問前傳》也備受注目，帶挈他拍廣告搵銀，原來他曾被武師打爆嘴留有疤痕，很希望有機會做除疤代言人。曾奪世界賽長拳冠軍的杜宇航，不但外貌與子丹有幾分相似，入行兩年，廣告更密密拍了四個，不比甄子丹遜色。
現年28歲的杜宇航日前在屯門拍攝男士護膚廣告，酬勞達6位數字，入行僅兩年的他，原來已拍過「信貸」、「男士修身」及「衍生行」廣告，雖然比起甄子丹在內地千萬廣告身價仍差一大截，但在新人來說已算不錯。
赤膊版冇得睇
在新護膚品廣告中，觀眾只會看到杜宇航以型男look潑水洗臉，但其實還有一個騷肌肉的版本，可惜觀眾無緣欣賞。原來拍攝當日，杜宇航試拍過一個赤裸上身的肌肉男版本，為了在鏡頭前達最佳效果，除衫前也先操幾下掌上壓谷肌肉，趁有時間又狂操拳，惜最終出街只用緊身衣的版本。
談及拍廣告趣事，杜宇航表示拍攝潑水洗面鏡頭已拍了十多次，事後他大嘆說：「拍動作戲仲容易o架，因為控制到。」
杜宇航16歲開始比賽，99年已獲世界賽長拳冠軍，詠春也學了8年，他說：「以前一日會操四個鐘，家太忙冇辦法，不過我已經好幸運，入行後好多機會。」他笑言拍戲經常受傷，試過被武師打爆嘴，當然最想做去疤代言人。
退居幕後㩒撈
問杜宇航有否想過做甄子丹接班人？他說：「好多人覺得我個樣似子丹，大家都係動作演員，點都有啲唔同，其實我想做幕後，好似洪金寶大哥咁做武指，感覺長遠啲。」
採訪：溫敏芝
攝影：陳順禎