原名陳曉華（Rachel）的林熹曈，之前在有線主持節目《怪談》，與司徒法正走訪不同地方，發掘古怪事件。為了節目，Rachel付出不少，例如因接受法術被刀肚而留下疤痕。最近Rachel改名林熹曈，換了新名字，連帶她的工作也有新開始，頭炮就是拍攝寫真撼o靚模。
前有線《怪談》主持人陳曉華最近改名林熹曈，她解釋姓氏不同是因為多年前父親要來港工作，連本身姓氏都改了。近日Rachel接洽了幾項新工作，故此將名字改為林熹曈，希望有一番新景象。
早前Rachel去了沙巴拍攝寫真集《FantasyofArt》，會趁書展推出。問她會否擔心與一眾o靚模競爭？她日前說：「一來我唔可以叫做o靚模，我係老模啦。況且我唔係模特兒，係一個演員，喺有線時我拍過劇，做過主持，所以同o靚模絕對唔同。」
讚周秀娜有禮貌
Rachel覺得o靚模湧現，絕對是市場需求，不會用有色眼光看她們，她說：「佢哋性感都係工作需要，喺眾多o靚模中我最欣賞周秀娜，佢可以話係脫離咗o靚模呢個行列，同佢合作過先發覺佢份人EQ好高又有禮貌。」
除了推出寫真集，Rachel將再次與司徒法正合作，10月又與張達明一同開talk騷，她說：「嚟緊我喺工作上會有唔同嘗試，最開心係有機會拍戲，因為自己都係演藝學院嘅畢業生，都係最鍾意拍戲。」
採訪：李珮洳 攝影：葉君海
髮型：RayIp（HH’sHair）
化妝：Candy（K'SMUAT）
