黃宗澤（Bosco）上周推出新EP，繼續做跳舞王子，皆因他怕唱情歌，接受不了自己當情歌王子，更強調自己用情專一，似向緋聞女友胡杏兒派定心丸。言談間黃宗澤還自爆冧女秘技說：「我都幾風趣o架，都會成日人笑。」
黃宗澤在這個6月歌視兩忙，最新EP《Bravo》已經推出，Bosco表示會盡量抽時間宣傳，強調絕對有誠意當一個稱職的歌手，新碟依然以輕快歌曲為主，繼續行跳舞路線，Bosco笑言：「冇理由突然轉做情歌王子o架嘛，自己都頂唔順啦。」
「我成日人笑」
不做情歌王子也可以做媾女王，黃宗澤早前被指扮單身力追05年華姐冠軍倪晨曦，提起緋聞他即反駁：「我唔係呀。」簡單直接，問他有何冧女招數，他即眉飛色舞地說：「我都幾風趣o架，都會成日人笑。」懂得人開心，當然人人樂於親近，黃宗澤自然容易惹緋聞，但講到真的拍拖追女仔，問他覺得最煞食是哪一招？
Bosco笑說：「曾經試過送戒指囉，細個唔識嘛，但係大個就知，戒指係唔可以亂送，係一個好大嘅承諾。」
關心胡杏兒前途
打蛇隨棍上問黃宗澤有否送過給胡杏兒？他強調沒有，外間對於二人拍拖都非常受落，問他何時真正公開情侶關係？他即詐儍扮懵：「乜呀？冇喎。」叫他形容二人關係，他還是那一句：「咪係好朋友囉。」但對於杏兒唱片公司人事有所變動，Bosco都顯得關心且瞭如指掌，還說：「叫佢過嚟搵林生（林建岳）囉，不過佢（指杏兒）都好似好明朗，唔使太擔心。」看來二人關係依然密切，情侶關係未改變。
採訪：胡比
攝影：林德雄
髮型：KelFungofHHhair.nail
Stylist：QueenieYu
服裝：Dsquared2
場地：TerminiTeaYard
