英格蘭領隊卡比路、射手朗尼近日接連發老脾，而唔知係咪因職球員有火、惡到死，大軍前日去駐紮基地羅斯頓堡附近嘅野生動物園，嚇走猛獸，連最惡死嘅獅子都唔敢出沒。
卡比路發火驅逐記者
為咗接觸吓大自然、大賽前鬆弛一番，卡比路前日下晝帶領23個世盃國腳同埋隨行嘅碧咸去睇動物。眾所周知，大象、犀牛、獅子、豹同埋水牛合稱「非洲5獸」，據講隊徵為3頭獅子嘅英格蘭大軍，就最想見識吓「同類」，結果大象、犀牛、豹同埋水牛到齊，大象仲行到好近簡直好似想同英軍打招呼，可惜就獨欠最凶猛嘅獅子。
唔通真係英軍火氣殺氣大，連萬獸之王都行埋一邊？英軍職球員確係有火，禮拜一對白金聯發生朗尼向球證爆粗、卡比路半場休息向球員破口大罵，到噚日操練時，卡比路似乎對窮追不捨嘅記者睇唔順眼，怒斥「你哋因乜事要影啲房間。」呢次係卡比路帶領英軍咁耐，第一次鬧記者。睇嚟卡帥冇因為接觸大自然而變得心境平和。
碧咸教射罰球腳腳七注
碧咸都有火，不過唔係鬧人，而係教球員練射罰球時腳腳七注，似乎將踢唔到決賽周嘅悶氣發洩喺皮球上，最厲害係日前被記者影到左右開弓，離門40碼妙射破網，唔知情者根本唔知佢正在養傷，有記者甚至話，早知碧咸仲咁勇，應該選埋佢參戰決賽周。講係咁講，據一位英格蘭足總內部人士指：「碧咸熱心落力跟操係好，但訓練營內人人都希望佢小心，冇人希望佢用力過度加重傷勢。」
當年今日：10/06/1934
意大利在第2屆決賽贏捷克2:1，在首屆曾代表阿根廷上陣的蒙迪（Monti），成史上唯一代表兩國踢世盃決賽的球員。
句句金
「我們可以擊敗巴西！我們將會震驚全世界！」
26歲的北韓前鋒鄭大世無懼攻守實力超班的巴西，日前揚言可在下周二G組分組賽平地一聲雷。
傳媒反應
阿根廷《奧萊報》：「迪保斯基率領的西班牙隊6:0蹂躪波蘭，現在看看他們能否將此強橫表現在世界盃重現。」
意大利《米蘭體育報》：「世界上最佳的中場：沙維。」
有數講：1
今次世界盃為第「1」次在非洲國家舉行，南非為擊敗摩洛哥及埃及獲得主辦權，世盃海報利用了南非國旗黑、黃、綠、白、紅、藍六種顏色構成，象徵民族共融的世界盃精神。