黃長興、高鈞賢及龔嘉欣等，昨日在九龍灣宣傳《2010香港先生選舉》，早前有消息指黃長興與金象苑老闆娘徐美琪發展密友關係，其後長興即公開正印女友Peggy身份，原來高鈞賢是介紹人，高鈞賢說：「係我介紹佢兩個識，個女仔家底唔錯o架，我自己個女朋友就喺半年前分咗手，所以長興爭我一個人情。」
至於消息指長興父親現於徐美琪經營的墓園生意上打骰，長興自爆說：「其實係徐小姐搵我幫『善緣』拍廣告，不過家hold住咗，我聽到徐小姐同事講想搵一個花王，我介紹爸爸入去做，份工係剪吓花花草草。」
曹敏莉拒談
此外，陳法蓉和曹敏莉昨以慧妍雅集成員身份，到新城接受薛家燕訪問，大談早前慧妍雅集到四川探望地震重建進度。曹敏莉的前男友黃長興和富婆傳緋聞，她聞言即煞有介事說：「今日唔適合講呢個話題，唔講咁多啦。」慧妍雅集早前為災民籌到約190萬元人民幣善款，用在當地江油市重建兩座幼兒院，此行是檢查幼兒院情況。
採訪、攝影：溫敏芝、魯萍