因為貌似內地女星范冰冰、擁34E咪咪而獲封「ECup冰冰」的何佩瑜（Jeana）是周秀娜師妹，成功在新8模中突圍而出。近日網上流傳Jeana一批爛蒲夜店的照片，其中更發現她與去年在日本藏毒被捕、近日回歸樂壇的關楚耀夜蒲唱K，Jeana大讚他冇架子儍更更，做朋友好舒服。
新8模成員之一，樣子酷似范冰冰的何佩瑜近日以矯形內衣出擊，成功把34C上圍連升兩cup，加入變暴乳E神行列。現年21歲的Jeana為成功上位，工作起來博到盡，公餘消遣同樣玩到盡。
胸壓男性友人
據知Jeana加入新8模前名叫Pooh，其後才改名Jeana，周末最愛相約一班蒲腳夜蒲蘭桂坊，近日網上熱傳她的夜蒲戰績，不但胸壓男性友人，又與同性嘴對嘴。
記者發現Jeana與眾蒲友的合照中，有一戴帽男子原來是關楚耀，據知這張照片拍於近兩個月，Jeana日前在電話中說：「嗰張相係喺朋友唱K聚會，坦白講，我未識佢之前都有受日本嗰件事（關楚耀藏毒被捕）影響，印象差啲，但前後見過兩、三次，我覺得佢好有禮貌，冇架子，儍更更咁，同佢做朋友都好舒服。」
與陳靜玩自拍
Jeana的蒲腳中還有百果園E神陳靜，兩女貼頭玩自拍，狀甚老友，Jeana說：「其實呢啲去蒲嘅相都好平常，有時同女仔想擺啲搞笑甫士，咪扮咀，至於攬仔只係大家哄埋玩自拍，冇嘢嘅，我以前有男友，我都識分寸，不過呢排工作忙，都少咗去蒲。」
採訪：林妃