何文田塊地以109億元成交，由「19號」牌投得，港股昨升109點，幾個數字組合十分湊巧。賣地結果超出市場預期，反映市區靚地買少見少，自然炙手可熱。
不過，港股成交量只得436億元，創下近兩月新低，側聞市場走資，如屬實認真濕滯。
年內醫藥股可謂大放異采，惟獨銘源醫療（233）表現叫人失望，最關鍵係銘源4月中公佈業績大幅倒退49%至7676萬元，導致股價從1.30元水平插水，跌穿0.70元後先停到，真係唔輸死都嚇死。
睇番銘源去年業績，溢利減少主要係受債券利息支出增加3600萬元，以及股權公平值攤銷3900萬元影響，惟本業營運仍有增長，年內蛋白芯片共售出310萬片，同比升10.7%，該部份經營溢利上升4.9%至2.18億元。銘源昨升2.6%，收0.80元，由於跌幅已反映業績因素，來一次像樣反彈好應該，現價可吼，先以1個月高位0.94元為目標，穿0.68元止蝕。
方星俠