馮仁昭四圍超：寫真集搶閘出爐　冬甩6模濕身大解放 - 馮仁昭

馮仁昭四圍超：寫真集搶閘出爐　冬甩6模濕身大解放 - 馮仁昭

唔經唔覺又到6月，o靚模胡心諾（Rainbow）今年榮升大師姐，同另外5名師妹組成冬甩兵團，去菲律賓宿霧影咗輯火辣寫真集《SummerDiary》，噚日終於搶閘面世。宅男們，儲夠零用錢未呀？

Rainbow（右）孖住師妹Irene洗白白，吸納另類讀者。

Sweet飲奶飲到成身濕晒，睇落都幾污糟。

玩冲凉漏奶

今年書展風雲變色，警鐘、鬧鐘同時響起，冇番兩三吓奇招都好難制勝。猶記得上年周秀娜雪糕、牙膏一身都係，何嘉兒（Sweet）都唔執輸，玩校服癖兼飲奶漏口，滴到事業線都濕埋。轉個頭，朱裕琳（Caroline）嚟個濕身大解放，33E咪咪引嚟一陣陣夏日凉意。嫌唔夠凍？曾寶玲（ArYu）着比堅尼嚟個下水禮，振臂高呼民主萬歲！咁師姐Rainbow又有乜嘢搞作，哦原來攬住師妹Irene洗白白自拍。咦，莫非想吸納另類讀者？

半裸嘅ArYu典床典席，都係呢本寫真嘅其中一大賣點。