世界盃殺埋身，Sony派咗成team人去咗南非拍攝3D立體畫面球賽，原來想藉機打造一個3Dworld；一眾高層噚日包咗洲際酒店宴會廳，公佈推出一系列3D影音產品。小妹到場湊熱鬧，一入場就見到成set專業3D拍攝器材擺喺度晒冷。
快速移動畫面冇殘影
Sony家用產品及營銷巿務本部巿場經理余啟銘Benny向小妹話，今次咁大陣仗，係想話畀人知Sony係巿場唯一一間機構有能力提供3D高清拍攝製作、影音遊戲產品、影碟、相機一條龍服務，「我哋仲搵人去咗南非拍攝3D世界盃，會拎嚟香港播。」
Benny又話，下月推出兩大系列全高清3D電視機，暫未定價，其中HX900以畫質見稱，MotionflowPRO暢動流技術將畫面嘅幀率由200Hz提升至400Hz，快速移動畫面冇殘影，睇波一流。LX900系列大玩增值，配人臉偵測功能，細路太近睇電視會發警告，甚至自動熄機。
呢批3D新產品周五起會安排喺旺角新世紀廣場、沙田新城巿廣場同葵芳新都會廣場都會展示。記住係3Do架﹗連電視直播都睇唔到。
電郵：mailto:[email protected]