趙世光前晚70歲生日，家人為他在君悅舉行10圍生日宴，曾經中風的趙世光，已近乎完全康復，現時更每日返工開會。自拍MV賀父的三個女兒式明、式和、式平，以及來賓潘廸生太太和李國寶太太等，一律穿紅裙到場，變身紅衫軍賀壽。
趙世光前日70歲生日，太太何琍琍和子女為他擺大壽，在灣仔君悅酒店筵開10圍壽宴，請來至親好友包括趙世光胞妹趙世亮、上海幫好友邱達昌一家、唐英年母親唐尤淑圻、謝玲玲和李國寶夫婦等。
女兒來賓一律紅
趙世光由何琍琍陪伴到場，雖然仍有看護在旁，但壽星公顯得精神奕奕，更打上紅呔和紅袋巾，三個女兒大女趙式明、孖女式和及式平，以及女嘉賓如潘廸生太太潘余桂珠等，一律以搶眼的鮮紅裙出現，儼如紅衫軍聚集，但感覺自然是一片喜洋洋。
穿上紅旗袍的趙式和，心情靚絕，她說：「好耐冇見爹哋搞生日，今日同啲親朋好友一齊過。我哋幾個仔女拍咗個MV畀爹哋，幾有心思o架。」問到趙世光健康如何？式和說：「OK，好好呀，家爹哋日日有返去，返去公司開會。」趙式明和比她年少16歲的邱達昌兒子邱華瑋拍拖，前晚邱達昌太太都有到賀並與謝玲玲同行，但就不見邱華瑋入場。
「上天畀佢嘅祝福」
此外，何琍琍昨日接受電話訪問，透露趙世光沒有上台，但全晚笑個不停，她說：「噚晚party好開心，人生七十，行到呢個地步，同屋企人、一班大家識咗幾十年嘅老友一齊過，好好！」她續說：「尤其嗰時佢中過風，好多老友中咗風嘅都byebye咗，但一路行過嚟，雖然仲有少少disable，但都好健康，呢個係上天畀佢嘅祝福，已經好珍惜喇。」她又表示紅色並不是dresscode，而是習慣，她說：「我哋上海人，逢喜事都會穿紅戴綠，高興呀。」
採訪：JessicaNgan
攝影：EdwardChou
