內地大學排名榜十大之內的南京大學，六四當日頒授名譽校董榮銜畀新鴻基地產非執行董事郭炳湘，大K得到榮銜有啲受寵若驚，親身飛去南京受銜。
大K一直有捐錢畀大學作育英才，善心遍佈世界各地。佢話新鴻基郭氏基金自2002年成立以來，喺英國牛津、劍橋、美國耶魯大學設立咗唔少獎學金同助學金，到家已經協助超過5,000名學生攻讀博士、碩士學位，成個基金有超過10億元，相信可以一路資助學生升學。佢又話，2006年開始設立嘅南京大學助學金計劃，至今已經有350人受惠，效果唔錯。
大K熱心教育，據講北京中央財經大學稍後會頒個院士銜頭畀佢。