變咗擾民
關先生（筲箕灣居民）：現場好混亂，就算政府想宣傳，作用都唔大，反而變咗擾民。我問圍住特首嗰啲人，有冇個網址畀我睇吓個方案，佢竟然答「在心中」，好唔友善囉。如果個政改方案好，使乜喺度派傳單，直頭落維園搵市民傾，去「城市論壇」解釋好過啦。
做騷咁做
許小姐（待業）：完全係浪費警力，擺晒鐵馬喺度，好似我哋會作反咁，佢（曾蔭權）落到區又唔派紙，乜都唔做，問意見又唔畀，只係講幾句，根本就係做騷咁做。佢仲成日話普選（公投）浪費金錢，佢先至係浪費民脂民膏。
連累街坊
黃先生（愛東商場眼鏡店商戶）：我哋唔係好鍾意佢（曾蔭權）落區，佢咁樣落嚟影響我哋做生意，出面又有人示威，又嘈吵，畀佢搞一搞，全日冇咗一半生意。講真對佢冇乜好感，覺得佢做唔到嘢，所以，我支持泛民2012雙普選方案。
遇着衰人
Brian（中學教師）：高官極少落區接觸市民，我想把握這難得機會與唐英年對話。我要告訴他，港府違反國際人權公約，用盡藉口拖延普選。我相信大部份警察都是好的，奈何今次遇着衰人，四個警察招呼我，扣腕、推撞，還扯爛我的褲頭。
