家陣要做內地人生意，而且又想業務做大做強的話，似乎真係唔搞個自我品牌都唔得，事關內地人消費講究名牌。好似從事服裝、鞋類產品及配飾的達芙妮國際（210），雖然論規模或品牌知名度未必及業內龍頭百麗國際（1880），但以過去52周股價表現相較，後者卻不及前者。先睇業績，達芙妮09年度營業額上升10.3%至58.32億元，股東應佔溢利下跌兩成至3.94億元，但若撇除認股權證的公平值虧損2.03億元，股東應佔溢利則上升21%至5.97億元。
今年首季度，達芙妮品牌同店銷售收入同比增長約5%，鞋櫃品牌增長則有10%，公司維持今年全年上述兩者同店銷售收入分別增長最多9%及15%。目前達芙妮手頭淨現金有16億元，年內擬新增500個銷售點，長期目標係達芙妮品牌門店將增至5000家。
達芙妮近期力守100日線成功後，股價即見連日炒上，照睇勢升破年內高位8.75元應無難度，可吼位跟進，首個目標暫睇10元，穿7元止蝕。
方星俠