世界盃仲有四日開波啦！未必只有男士愛睇波，近幾年都吸引好多女士參與，睇靚仔評腳法，鬼咁專業！今次便找來足球評述員丘建威出題，考考十多位女星對世界盃的認識，並選出世界盃靚仔及至愛球隊，齊齊玩轉世界盃！
記者：周靜雯
攝影：副刊攝影組
這15條問題，有一、兩題確實幾深，專業球迷才識答；有些是基本資料問題，如今屆世界盃在哪裏舉行、多少隊參加、舉行日期等，都屬通識水平，我相信不會有人答對少過3題吧！
玩轉世盃15題
1.今屆世界盃在哪裏舉行？
A.墨西哥
B.南韓
C.南非
2.今屆世界盃吉祥物是甚麼動物？
A.獅子
B.老虎
C.豹
3.今屆世界盃有多少隊參加？
A.20
B.24
C.32
4.今屆有幾多隊是第一次打入世界盃？
A.0
B.1
C.2
5.今屆世界盃第一場比賽日期（香港時間）？
A.6月10日
B.6月11日
C.6月13日
6.今屆世界盃決賽日期（香港時間）？
A.7月9日
B.7月10日
C.7月12日
7.今屆是第幾屆世界盃？
A.18
B.19
C.20
8.下屆世界盃在哪裏舉行？
A.英國
B.巴西
C.西班牙
9.哪隊奪得最多世界盃冠軍？
A.阿根廷
B.德國
C.巴西
10.英格蘭在哪年奪得世界盃冠軍？
A.1962
B.1966
C.1970
11.西班牙奪得多少次世界盃冠軍？
A.0
B.1
C.2
12.以下哪位球員屬於巴西國家隊？
A.卡維
B.卡卡
C.卡希爾
13.葡萄牙球員C朗拿度是第幾次參加世界盃？
A.1
B.2
C.3
14.阿根廷球員美斯善用左腳還是右腳？
A.左腳
B.右腳
C.兩隻腳都叻
15.英格蘭球員碧咸拉傷左腳定右腳？
A.左腳
B.右腳
C.兩隻腳都傷
答案
1.C 2.C 3.C 4.C 5.B 6.C 7.B 8.B 9.C 10.B 11.A 12.B 13.B 14.A 15.A
丘SIR評語
9題或以上：專家/球癡
6題或以上：標準球迷
5題或以下：唔合格球迷
3題或以下：白癡球迷
女星之選
十大候選靚仔球星名單
5.卡斯拿斯（西班牙龍門）
6.阿古路（阿根廷前鋒）
7.美斯（阿根廷前鋒）
8.C朗拿度（葡萄牙前鋒）
9.謝拉特（英格蘭中場）
10.林柏特（英格蘭中場）
法國新球王贏C朗
當預計C朗應該會奪得最靚仔球星時，竟然出現意外賽果！13位女藝人中，有5位都給予法國中場、兼被喻為新球王的哥古夫一票，以2票之差壓過C朗，成為最靚仔球星。而第三名就是雲佩斯，其餘卡斯拿斯、卡卡及托利斯則各得1票，剩下球星便「無人問津」。問到女藝人為何不選C朗，她們都指出其花邊新聞太多，花心形象強烈，所以話新聞無影響形象，講都無人信啦！
兩國名義上首次踢世盃
多位女藝人答對十多題是否很意外呢？當然啦！她們答問題時除了互相參考答案，還會問身邊的工作人員、打電話問親戚朋友、問我攞貼士就一定唔少得，所以才有如此高分，假如要她們靠自己實力回答問題，分數相信會好「精采」！不過，15條問題中，有些確實值得大家留意，例如今屆有兩個國家首次踢入世界盃，分別是塞爾維亞及斯洛伐克，但只是名義上而已；皆因塞爾維亞屬前南斯拉夫，南斯拉夫分裂後，上屆世界盃便以「塞爾維亞和黑山」的名義參加，其後黑山宣佈獨立，今屆便出現塞爾維亞了；而斯洛伐克在1993年宣佈獨立，之前一直以「捷克斯洛伐克」參賽。今屆是第19屆世界盃，1930年是第1屆，但因二次大戰而停辦1942及1946年兩屆。而今年世界盃吉祥物是隻豹子，叫Zakumi，Za是當地官方語言中「南非」的簡寫，而kumi即數字「10」，代表南非於2010年主辦世界盃。
