Wii令體感變為潮物，遙控反成落伍之物！這款EdifierLUNA2喇叭，雖則無遙控器，但無論你想跳曲轉歌，只需隔空作拂手，機頂Sensor就會聽晒你指點；學識下面體感三招，「御機」選曲、播、停瓣瓣掂，睇你骨格精奇，無理由學唔識啫！
記者：許福合
攝影：王文忠
Model：Debby@PureModels
三招隔空聽歌
想知道LUNA2究竟如何操作，就睇睇幾幅圖像！
配合電腦聽歌
兩聲道設計的LUNA2音頻輸入方面，基本提供有Line-In，亦具備光纖輸入；不過講到最好玩，都仲係USB介面，佢最有創意的感應式觸控，就必須要用USB介面先玩到，試過接駁Win7及Vista電腦，都不用安裝任何驅動程式，就可聽到歌，而操控方法都幾簡單，在有LED指示燈的一個喇叭上，輕拍一下，就代表播放及停止，若從左至右掃過，就會跳到下一首歌，而相反從右至左，則會返回上一首，所以當見到有人在LUNA2旁邊不斷揮手、拍下，雖然睇落幾搞笑，但佢可能只係揀緊歌Only！
用USB介面除可「手動」轉歌，再加上喇叭內置有PCM1793DAC音碼音頻觸碼晶片，直接在喇叭進行24-Bit192-kHz的音頻解碼，避免傳送過程的失真，音色比Line-In更高。
音樂軟件對應測試
經USB接駁電腦後，除了不用安裝驅動程式外，其實最方便是大部份的音樂播放軟件，都可對應「手動」轉歌！
仿效月食造型
LUNA2外形，未算奇形怪狀，反之佢用上個仿效月食造型，我就覺得屬於幾大路設計，起碼大部份家居環境，放入去都幾合襯，底部見到用上個鋁金屬底座，所以拿上手相當重，單獨一個喇叭就差不多2kg，左右兩路加埋，重量真係仲勁過舉啞鈴。
音箱單元設計成20度仰角，據講特別適合坐在喇叭附近聽歌，更容易聽出音樂中的動感。另外，細聽LUNA2時，會覺得分析力相當不俗，原來佢用上個3.5吋同軸揚聲器，高音及中音單元更會使用獨立磁路，避免互相干擾，用家聽下去更覺細緻、清晰。
查詢：ECT（31880767）