應屆高考生葉國成，一直心儀中文大學的政治與行政學系，並以此為聯招首選。自從中大校方上周借「政治中立」之名拒迎新民主女神像與天安門屠殺浮雕後，葉國成直言感到中大形象插水，擔心入學後，只會被灌輸共產黨的「中央立場」，正考慮改投城市大學政政系，「我要選擇一個崇尚言論自由嘅大學校園。」
「學校咁做令我懷疑」
18歲的葉國成關心政治，近年的7.1遊行、六四燭光集會，他都有擔任義工。5.16公投，他自告奮勇到街站呼籲市民踴躍投票。6月4日晚上，他出席燭光集會後，隨大隊到中大校園護送新民主女神像進校；昨日出席完城市論壇後，他又馬不停蹄，趕到九龍塘又一城狙擊政務司司長唐英年。
國成說，自小便夢想進入中大，「身邊好多朋友係中大生，又好鍾意前校長高錕，覺得呢間學校好好。」但中大的行政與計劃委員會上周以政治中立為由，拒迎新民主女神像，令他對中大信心大跌，「學校咁做會令我好懷疑，中立係咪即係中共政治立場，令我好反感，家寧願報城大政政系。雖然坊間話（城大）比佢（中大）低一級，但係起碼崇尚言論自由。」新民主女神像雖然暫時可在中大存放，也未令國成改觀，「呢個係二、三千人抗爭得番嚟嘅結果，唔係校方有乜改變。」
本報記者