鍾欣桐（阿嬌）因年前淫照事件，令電影《出水芙蓉》一直上映無期，隨着事件被淡化，該片也重見天日。阿嬌昨日與過氣男友方力申宣傳《出》片，未知是否因阿嬌曾遇過負心漢陳冠希，當她被問到會否擔心緋聞死灰復燃，可能被指介入小方和鄧麗欣之間，阿嬌堅稱：「我係唔會做第三者。」
過氣情侶方力申和鍾欣桐昨日在將軍澳宣傳電影《出水芙蓉》，同場首度在香港播放合唱歌《一生一世》MV。他們又重演戲中踩單車一幕，起初二人表現拘謹，但熱身過後越玩越放，小方更應司儀要求，將面貼在阿嬌背脊，狀甚溫馨。
阿嬌聞復合：啋
阿嬌透露已經追問過小方和鄧麗欣的婚訊，她說：「我喺後台已經問咗小方，佢話唔係，佢咁講我咪信囉。」有記者笑指阿嬌可以安心，她則說：「係你哋安心啫，過咗10月咪知係唔係囉。」在旁的小方插嘴道：「我已經講咗好多次話唔係，如果真係喺上個月先訂酒席，又點可能喺今年擺到酒？」
阿嬌在片中有不少落水戲，小方試過臨場指導不熟水性的阿嬌，問小方在現實生活中有否試過以教游水為藉口，借故追女仔，他笑說：「追女仔又點使用呢招呀，我係用顆心，真誠同善良去打動對方，願者上釣。」問阿嬌又有否試過被感動？她說：「佢淨係喺戲中打動我，現實生活雖然佢本性善良，但打動唔到我。」
未知是否因阿嬌曾經遇到負心漢陳冠希，當問她會否擔心與方力申再傳緋聞，甚至有機會被指是第三者介入小方和鄧麗欣之間，阿嬌即說：「啋啋啋！我係唔會做第三者。」小方也說：「應該唔會，佢（阿嬌）有咁多戲上，唔知傳邊個好。」
採訪：何慧斯
攝影：黃文成