《哈利波特》由小說改編成電影，大受好評，而另一本經典小說《波西傑克森：神火之賊》亦使用近似方程式，進軍荷李活、改編成大電影搬上銀幕；咁都未夠穩陣，仲搵來《哈》電影大導演基仕哥倫布斯揸旗，無論對書迷或戲迷，都有吸引力！
記者：許福合
阻止眾神大戰
《波》在美國是家傳戶曉小說，不在《哈》之下；故事主角波西就有點像哈利，特別另類！身世揭開前，他是個經常遇到怪事的學生，當他揭開自己屬半神人血統之謎時，麻煩事就更蜂擁而來；當中最離譜是神王宙斯認定波西偷了終極武器閃電火，並且命令他立即歸還，用以阻止神戰發生；同一時間他又發現母親被地獄冥神所捉，整個世界亂哄哄。
5.1效果出色
若同哈利仔比，《波》的世界觀更容易被觀眾掌握，不過電影版似乎未有拿準這個優點，雖然電影內特技、奇幻畫面，都有不俗水準，但小說內的伏筆去到電影版，往往變成簡單橋段，例如講到主角成為半神人後，性格同習慣都有改變，電影之中就只簡單帶過，總有到喉唔到肺之感。欣賞這張BD碟時，雖然只用一般家庭級音響，但聲效配上導演運鏡手法，臨場感不俗；尤其使用魔法時，環繞聲效果更是突出，建議起碼要用到5.1音效去欣賞，否則真是有點浪費。
半神人對話Bonus
有人睇過電影版，覺得劇情一氣呵成，不過看過小說的人，就反映電影改動太多，甚至話小說更精采。一眾小主角雖談不上好演技，但老演員如鄔瑪舒曼所飾演蛇女梅杜莎，感覺好突出，令人印象深刻；其實正場電影有唔少畫面是無出現，所以記得睇埋Bonus，當中除刪剪片段外，更有半神人對話特輯，可以睇睇演員有咩講。
波西傑克森：
神火之賊
Blu-ray$199（a）
本周新碟
Blu-ray
DVD
查詢
（a）得利（27870678）
（b）DVDPro（23326326）