【本報訊】「吸煙阿叔」昨晨在荃灣青山公路巴士站候車時抽煙，煙霧直吹身旁女子，引起女子及其兄不滿干涉。煙民反唇相譏：「啲風點吹我點知呀！」雙方登上巴士後，煙民繼續指罵，兄長忍無可忍上前叉頸，兩人扭作一團，最後煙民報警。警員到場以涉嫌打架將兩人拘捕。
吸煙阿叔姓梁，53歲，報稱肩背受傷要求送院。護妹打架的33歲姓李男子及30歲胞妹，則協助警員調查。
「風點吹，我點知」
現場是青山公路近眾安街千色店對開的露天巴士站。昨晨零時28分，數名乘客在上址排隊等候往天水圍天恆邨的265M線巴士，梁抽煙噴出煙霧，直吹身後李女，令她感到厭惡：「你啲煙吹晒過嚟呀！」梁反駁：「我點知呀！啲風點吹我點知呀?」與李女同行的兄長聽到胞妹受辱大怒，與梁口角。未幾巴士駛至，雙方上車後不約而同坐到上層，阿叔走到兄妹前指罵：「我食煙關你乜事？」李忍無可忍一手叉頸將梁推倒，雙方互相推撞。梁走落下層向司機喝叫：「停車，我要報警，我畀人打呀！」
警方到場，梁報稱受傷要求送院。事後警方以涉嫌打架將梁和李拘捕。
現時市民在有蓋公共運輸交滙處抽煙屬違法，可被票控1,500元。至今年12月1日起，禁煙範圍會進一步擴大，全港128個露天巴士總站亦會全面禁煙，但在路邊露天巴士站吸煙暫未列入管制範圍。