六四改變的，不單止是一代，而是未來很多代的人生。早前參與立法會補選的中大學生周澄及反高鐵大聯盟的葉寶琳，均是受着民運啟發，走上社運之路。
周澄：點解國家冇改善？
今年剛完成大學課程的周澄，2001年第一次參與六四燭光集會，之後加入支聯會青年組，捧着錢箱在維園籌款；踏入大學校園後加入學生組織，去年以學聯秘書長身份在集會講話，她自言這兩年參與集會的感受特別大。
周澄說「上年有陳一諤，我作為大學生，特別感同身受，覺得企出嚟堅持好緊要，今年就覺得打壓越嚟越嚴重，特別憤怒，本來5月尾（悼念氣氛）好平淡，點知政府突然沒收民主女神像，中大又用政治中立呢啲犬儒理由唔畀擺，香港家越嚟越似大陸。」
周澄認為香港人為中國民主可以做更多，「香港人年年去六四集會、7.1上街，以為做咗呢兩樣嘢就係爭取咗民主，我會諗究竟香港人係咪可以做多啲，睇番當年學生爭取緊啲乜，背後嘅問題係乜，點解隨住國家強大都冇改善？例如富士康呢啲中國勞工問題、世博強行收地咁，同六四都好有關係。」
現職天主教正義和平委員會幹事的葉寶琳直言，她的社運之路源自六四。她記得六四發生時正念小四，家裏剛搬屋，買了新錄影機，家人把所有與民運有關的新聞錄影，「嗰時跟屋企人去民主歌聲獻中華，都唔係好知乜嘢一回事，淨係覺得成個人好緊張，我住嗰啲新巿鎮，樓下街巿得幾個檔口都罷巿，平時校長都唔係咩好人，都叫我哋影印報紙寄返大陸鄉下，覺得好沉重。」
葉寶琳：每年回顧也震撼
此後每年六四，葉寶琳都會重看當年的電視片段，又到參考圖書館看跟六四有關的微縮菲林，「家睇番都覺得好震撼，係呢件事令我知道香港人嘅身份同中國血脈相連，會關心中國民主嘅前途，覺得要做好自己，因為香港人嘅角色會影響到中國人民，唔公義我自己接受唔到。」
本報記者
