46歲的呂珊首個紅館個人演唱會「超級呂聲呂珊2010演唱會」，前晚已圓滿舉行，事前揚言性感無底線的她穿T-back上陣，不過就露出多條打底褲，她又刻意俯身露出胸前事業線。
呂珊前晚在紅館舉行「超級呂聲呂珊2010演唱會」，甫開場即連唱幾首快歌營造氣氛，之後她說：「以前都冇《超級巨聲》，如果有呢個機會，我可能會早啲升呢，不過唔緊要啦，我聲線OK，唔知條事業線得唔得啦。」隨即彎身向觀眾鞠躬大晒胸前事業線，又說：「唔緊要啦，我做唔成o靚模咪做老模囉。」
獻唱阿梅快歌
事前揚言個唱性感無底線的呂珊，果然在台上大解放，演繹多首梅艷芳的快歌時，不但又唱又跳，與男舞蹈員大跳辣身舞，還穿上大露背短裙以啡紅色T-back示人，不過她穿了一件蝦肉色連身衣打底，內裏還加了一條打底T-back，之後再將另一條T-back穿在外面。
當舞蹈員抬起呂珊時，她後面露出多層打底褲，前面則露白色小三角，呂珊即時以手按裙，表演後她說：「我呢啲o靚模係高齡嘅，要喺紅館處女露罅。」事後她又表示曾考慮不打底，她說：「我真係諗過就咁着T-back，但驚450蚊乜嘢都睇晒。」
李思捷受歡迎
此外，前晚擔任表演嘉賓的張偉文、Soler及李思捷中，以李思捷最受歡迎，獻唱《風繼續吹》獲全場報以熱烈掌聲，他說：「我同自己講，上紅館一定要唱呢首歌，因為係我好多年前參加歌唱比賽嘅歌。」
採訪：李珮洳
攝影：黃文成
