劉欣宜（ECupBaby）、o靚模羅靖琋、梁筠兒同組合HotCha，噚日喺新城出席世界盃活動。ECupBaby噚日着咗條超低腰熱褲，除咗露腰外，仲唔小心下體露埋毛。
HotCha撐《勁歌》
事後話畀ECupBaby知佢露毛，開頭佢好肯定咁話：「冇可能，可能係角度問題，會唔會係我條legging咋。」之後畀相佢睇，ECupBaby就即刻不知所措，仲撒嬌話：「好尷尬，唔知點答。」
問ECupBaby事前有冇檢查清楚？佢話：「有check過，可能我呢排瘦咗，條褲有啲鬆，下次會小心。」咁平時有冇剃毛？ECupBaby坦白話：「有o架，之前拍寫真都有剃比堅尼位。」
同場嘅HotCha就着到鬼咁密實，問佢哋做乜唔騷吓事業線，成員Regen講笑話：「我哋條事業線要聰明人先睇到。」
講到佢哋要幫無綫《勁歌金曲》演出嚟撼亞視《警訊》，佢哋話：「好大壓力，《警訊》由細睇到大，家竟然要同佢哋對撼。」HotCha話其實佢哋比較少上《勁歌》，有得做已經好開心，冇諗過要同人撼，仲希望好似佢哋隻新歌《屈尾十》咁，一個屈尾十屈番多啲觀眾睇《勁歌》。
