無論是演員、歌手或是模特兒，幾乎每天都因工作需要面對相機鏡頭，獲老闆黎明稱為模art的文詠珊（JaniceMan），10多歲開始晉身模特兒界，經常在相機鏡頭前不停擺甫士，漸漸地掌握到影相技巧，深明如何準確將自己最美的一面表露出來，JM也開始對攝影產生興趣，不時趁工作之餘拿起數碼儍瓜機四處獵影，雖然只是興之所至，但模特兒出身的她，捕捉景物自然就有她一套美學觀點。
撰文：麥佩儀
眾志成城
「有機會去睇HongKongArt2010展覽，呢個眾人頂嘅舞台，令我感受到眾人合力嘅重要性。」
忌諱
「骷髏骨＝死亡，以前係中國人嘅禁忌，但時至今日，中國人眼光放大，接受能力已經比前開放好多。」
絕代芳華
「呢朵花就好似一個芳華正盛嘅美少女一樣。」
小幸福
「新加坡酒店特別為我準備嘅士多啤梨甜品，雖然唔係名貴禮物，但心思搭夠，令我開心樂透。」
戒
「無論做藝人定模特兒，為咗以最佳一面示人，有時面對美食難免要忍口，即使只係望一望都心滿意足。」
大蝦的味道
「一切事物，有時過去慢慢就會忘記，惟有靠影像去記憶，睇到呢張相，我又記起當日大蝦嘅味道。」
停一停
「上年10月同Leon去美國登台，坐車穿州過省，突然有機會停車鬆一鬆，自得其樂。」
交叉點
「任何事物都有新舊交替，古時嘅建築同先進嘅鐵塔其實可以並存，營造出美麗畫面。」
紐約之夜
「上年聖誕身在紐約，第一次度過白色聖誕，酒店窗外見到呢個咁靚夜景，情不自禁講MerryX'mas。」
