1997年有份護送國殤之柱到港大校園的黃瑞紅，昨日獲邀到中大學生會分享當年經驗，她批評中大以「政治中立」為由否決雕塑入校，是「無恥、核突、丟架」，較當年港大校方以安全為由拒絕更甚；她提醒同學，要民主女神安全進入校園，保護雕塑的人數是關鍵。
「護送人數係好關鍵」
當年擔任學生會外務副會長的黃瑞紅憶述，六四集會後，同學按計劃把雕塑送入港大，數百名學生、校友及巿民擠在旭龢道閘口，以人鏈保護貨車，但保安不願放行。警方到場後，企圖沒收貨車車匙，「我哋唔畀佢，同佢搶過……嗰條係斜路，都有啲危險，我都擔心推撞」。結果雙方對峙至凌晨3時許，直到保安收到校方許可才放行。
「到家都覺得，我成世人做咗咁多件事，最啱、最無憾就係呢件事」。今晚女神進入中大，又要注意甚麼？「當時我哋人數多過警察同保安好多，真係要多啲人先得，而且家時代唔同咗，成個政治氣候同警察角色都改變咗，越多同學、校友、巿民護送先有用，人數係好關鍵」。
港大學生會09年度內務副會長成曉宜指，受港大擴建工程影響，國殤之柱擺放的位置將會成為接駁通道，雕塑需要稍作移動，但移動後仍會放在黃克競平台上。
本報記者