譚詠麟近年打開心扉，不再迴避談兒子曉風，日前他接受now節目主持鄭丹瑞的訪問，除了談到其父生前逸事外，也透露自己疼錫兒子曉風，從小至大只打過他一次手板。曉風小時志願是想當「揸人」，可以夠高㩒掣。
譚詠麟（阿倫）與紅顏知己Wendy育有一子曉風，雖多年來都是公開的秘密，但他一直迴避談及兒子的事，年前其父譚江柏去世，阿倫才公開承認Wendy及兒子的身份，之後每次提及兒子，已再不忌諱，還露出一副慈父相。阿倫日前接受now香港台《HomeSweetHome》節目訪問，與主持鄭丹瑞大談父親與兒子的逸事。
父脾氣猛打得勁
阿倫先談亡父，他謂雖然他有兩個姐姐和三個妹妹，是父母唯一的兒子，但也不是萬千寵愛在一身，阿倫說：「我嗰時被打得好厲害，爸爸脾氣猛烈，真係打得好厲害。」原來阿倫有時愛欺負妹妹，妹妹便會在吃飯時候哭着向爸爸告狀，譚父發火便將飯餸全倒進廁所，讓大家都不要吃，阿倫續說：「不過老竇其實好可愛，佢鬧完又會番我哋，請我哋食雲吞麪或者畀錢買嘢食。」
後來阿倫夾band，直到他參賽得獎，父母才從報紙上得悉，阿倫說：「我一直瞞天過海，不過佢哋知道後都接受，只係提我唱歌唔可能係終身職業，叫我要讀多啲書，有機會就做嘢搵錢，我都有聽。」後來只聽英文歌的父親也會在家播他的歌，成為他的歌迷。
兒子愛籃球結他
至於兒子曉風，阿倫表示對他沒甚麼特別期望，一切順其自然，他說：「佢細個鍾意踢波，對住道牆都可以踢四粒鐘，家大個啲又唔踢喇，鍾意打籃球，又鍾意畫畫、彈琴、打鼓同彈結他。」阿倫還透露兒子小時曾有個很搞笑的志願，他笑謂：「佢話想做揸人，因為細個唔夠高，成日想㩒啲掣都㩒唔到喎。」阿倫說罷也忍不住大笑，問他是否對兒子很驕縱，阿倫說：「我只打過佢一次手板咋，嗰陣佢兩、三歲，對媽媽唔禮貌囉。」
撰文：丁寧
