商天娥、滕麗名等一班無綫電視劇《掌上明珠》的演員前晚到西貢飯局，並由監製林志華宴請眾演員，不過幾位主要演員宣萱、林保怡及陶大宇就沒有到場，場面冷清。
對於網民指娥姐在劇中的角色乞人憎，娥姐不怒反笑說：「咁咪成功，做戲啫，自己冇乜所謂，其實個角色好無奈，做咗老公嘅扯線公仔，不過現實中我就啱聽就聽，講得有道理就聽。」
自誇精明師奶
至於娥姐和拍拖五年的男友李偉誠（Patrick）將於10月3日結婚，她透露婚後會到歐洲度蜜月，她說：「呢啲咁浪漫嘅地方要度蜜月先去，去到唔會叫佢買嘢獎勵我，不嬲使係使自己錢，我係精打細算嘅師奶。」
採訪：何慧斯
攝影：陳順禎