被稱為「官校之首」嘅皇仁書院，學生會喺4月出版嘅會刊《匯聲》探討皇仁點教六四，呢個題材對官校刊物好特別，有學生見到並唔係做封面故事，只係擺在內版，懷疑校方向《匯聲》編委施壓，又指聽聞編委原想用六四做封面故事，但學校認為不合適，出版時改以訪問校內員工做封面，覺得校方「河蟹」咗《匯聲》。
學生會顧問老師鍾卓斌否認干預學生會出版自由，強調去年六四20周年，佢負責搞展覽向學生講述六四事件。《匯聲》總編輯翟子安亦話未諗過將六四做封面。不過，有學生及舊生始終半信半疑，睇嚟皇仁校方要講清楚啲。「官校之首」如此河蟹不奇怪，唔通俾庇理羅士女子中學做咩！