張堅庭和兒子張高翔昨日到尖沙嘴出席足球活動，兩父子即場示範「二人三足盤球」，由於阿庭經常會相約大小兒子踢波，他們默契十足，不過他自爆試過在家中打爛燈，即時被太太責備。
「趁我唔喺屋企拍」
阿庭透露細仔的志願是當足球員，至於16歲的大仔高銘就對電影感興趣，將來可以繼承他的衣鉢當導演，阿庭笑言大仔拍攝短片的技術很好，就連攝影和剪接都落手落腳做，他說：「佢試過拍一部仇殺片，有埋變態殺手同床上戲㖭，到我睇片嗰陣我先知佢趁我唔喺屋企先拍。」
阿庭現時籌備多個電影劇本，其中有部電影更鐵定由黎明擔任男主角，至於女主角他就有意邀請內地女星高圓圓，他說：「個故事係講一個內地富豪扮窮嚟香港工作，慘被剝削，佢都係為咗教導兒子點做人。」撰文：林妃