花旗股市前晚急彈，港股噚日又生猛番，充份反映近日市況嘅波動，恒指下試10日線之後，噚日又彈番近條20日線收市，升314點，會唔會破位炒上就要睇花旗股市，不過如果今日收市前破關，可以追番啲貨。
下禮拜有貴重地皮拍賣，幾隻大地產股都想郁，或者係利好嘅啟示。
中行C輪20085：中國銀行（3988）昨收3.88元，升2.1%。股價喺現水平已經整固咗一段時間，等緊機會上試4元關，破位睇4.20元，可以買啲C輪20085博破關而上。隻輪現價15.9仙，2010年9月20日到期，行使價4.20元，溢價12.4%，引伸波幅32.8%，有效槓桿率8.9倍，正股見4.20元，20085睇30.6仙，正股跌穿3.76元就沽咗隻輪。
俊樺