墨西哥灣漏油事件未解決，成為花旗股市前晚下跌嘅藉口，真正影響股市應係歐洲債務危機嘅變化。歐央行話銀行可能要大撇賬，會為市場帶來困擾，因為唔知有幾多銀行受影響，亦驚有骨牌效應。
港股噚日先升後跌，不過跌幅唔大，個市仲係等緊消息，撐場靠滙豐控股（005），可以留意相關C輪。
滙控C輪15547：滙控噚日收報71.45元，升1.5%。股價升破10日線，成交配合，突破73.10元睇77.30元，可以諗吓隻C輪15547。隻輪現價3.6仙，2010年12月13日到期，行使價83.278元，溢價21.2%，引伸波幅36.8%，槓桿率21.4倍，有效6.7倍。正股升上77.30元，15547睇5.8仙，升幅逾6成，正股跌穿69元就沽咗隻輪。
俊樺