唔知身邊朋友係唔係成日都見我對減肥咁神心，耳濡目染之下，佢哋都加入咗呢個「瘦身敢死隊」，而且成績唔錯㖭。早前從朋友Miranda口中得知佢啱啱完成一個創舉，就係只用1個星期就減咗6kg。嘩，咩方法咁神奇？佢話係叫「Monk減肥法」。上Google查資料，先知呢個減肥法係由美國減肥醫師Dr.Albertson首先提出。Monk，即解和尚，成個減肥法嘅精髓係在於下午4點鐘之後開始斷食，早餐、午餐如常，但當然唔能夠暴食啦！而同一時間亦要做大量運動，Miranda話，佢進行Monk減肥法嗰陣啱啱參加咗羽毛球特訓班，連續打六粒鐘，再加一粒鐘散步，佢回想話：「係咁打，無間斷，真係消脂又脫水，幾鬼攞命呀！」就係咁在短短1星期減6kg，佢仲話，網上有台灣人一個月減30kg！我都有嘗試食，但因為4點後要斷食好難捱，我只係去馬一星期，減了6kg就算數，之後回復三餐都無乜反彈。
Monk減肥法
‧早餐、午餐照常，4點後斷食
‧臨睡前半小時飲薏仁水排水
‧由於少食容易有便秘，須多喝水和多吃蔬菜
‧大量運動效果更佳
AngelaFatty：天生葫蘆身形，體重最高峯達200磅，曾以不同減肥法減去90磅，累積唔少減肥心得。