著名百老匯音樂劇《Chicago》正在演藝學院上演，好多人慕名去睇，前特首老董家族嘅船公司東方海外員工，購票可享九折優惠。有員工向八方稱，喺上市大公司打工有好多好處，附庸風雅睇音樂劇亦唔例外，公司日前突然通知員工有着數，如果買聽晚嘅門票，最高有折扣八五折。
買飛平日睇有九折，明晚六四21周年大日子，額外多5%優惠，有冇特別意思？八方不便揣測，不過有東方海外員工就認為公司咁做有問題，質疑公司唔想員工聽晚到維園參加燭光集會，由於唔可以威迫，就用利誘，變相打壓悼念六四活動。老董曾經叫華叔放下包袱唔好再搞悼念六四活動，其實，究竟邊個未放下包袱呢？