黎燕珊同唐寧噚日去到中環擔任「關心家中長者、認識癡呆症開心同樂日」記者會，黎燕珊話佢過咗世嘅爸爸之前有老人癡呆症，所以佢好清楚作為病患者家人嘅心情，佢話爸爸當時情緒起伏好大，有時飲茶會一杯茶潑埋媽咪度，令到佢哋好尷尬。黎燕珊覺得作為病患者家人，最重要係抽多啲時間陪住病者。