夏天馬上就到，係時候晒吓新款泳衣出海遊船河，專門出租遊艇嘅KingstonMarbleYachtClub老闆Jose同小妹講，佢哋啱啱重新翻修嘅巨型遊艇Angus號，有成四層高，最多可以容納100人開party，提供各式各樣嘅水上活動。
Jose話，部遊艇最大特色係全東南亞唯一一艘出租遊艇上設有跳水台同埋雙人滑梯（圖）。駛到海中心，喺四層高嘅遊艇玩高台跳水，又刺激又凉快，真係非一般享受；唔敢玩咁激嘅，可以喺滑梯衝落水。小妹聽到都覺得好爽呀，但各姊妹記住，跳水嗰陣要綁緊件三點式，唔係容乜易插水嗰陣，成件泳衣衝甩晒走光就唔抵啦。
艇上可闢跳舞池
遊艇仲備有獨木舟、香蕉船、wakeboard、快艇，同埋一個可以載到5個人嘅浮台。真係只要夠膽，就唔驚冇嘢玩。Jose又話，遊艇一樓可闢作跳舞池，之前有客人好專業咁搵埋DJ嚟打碟。二樓有卡拉OK室、麻雀室、自助酒吧。四樓頂層露天嘅日光浴區。
Jose話，包船一日$13,880起，另膳食按人頭計，選擇粉麪、春卷、沙律等食物，每人70蚊，海鮮餐就$180至$380，「遊艇設有廚房，所有食物都係新鮮即製。」有興趣可以瀏覽網址 http://www.josehau.com。
電郵：mailto:[email protected]