以色列海軍突襲救援物資船隊，令中東局勢緊張，但並冇好似早前南北韓衝突為股市帶來震盪，港股噚日雖然跌268點收市，但上午算係靠穩，晏晝受A股帶動回落。
恒指跌穿10日線，但大致上在同一水平，現貨成交好奀，唔夠500億元，今日嘅市況發展要睇噚晚花旗股市復市嘅表現。
煤氣C輪16524：中華煤氣（003）噚日報收17.58元，逆市升2.2%，股價緊貼50日線，破關可推向20元，中線睇22元，可以諗吓隻C輪16524。
隻輪2010年12月30日先到期，行使價13.636元，溢價只係2.7%，引伸波幅40.1%，槓桿率4倍，有效槓桿率3.3倍，可以揸耐少少睇高啲，正股見22元，16524睇92仙，正股跌穿16.30元就沽咗隻輪。
俊樺