鍾欣桐與陳偉霆早前合拍電影《前度》後鬧緋聞，二人在戲中有不少大膽親熱鏡頭，陳偉霆說：「雖然同阿嬌好熟，但拍啲咁親密嘅戲難免尷尬，仲要逼喺張又硬又窄嘅古董椅上激咀喎，要就鏡頭位，又怕動作太大撞到阿嬌，又要交戲，真係一心三用o架。」阿嬌在淫照事件後拍親熱戲，也表現得很放，她透露有一趟陳偉霆激動到哄過來，嘴撞嘴的結果只有一個痛字。
此外，不懂游泳的阿嬌與前男友方力申合演的新戲《出水芙蓉》有一場落水戲，她事前接受七天特訓學游水，小方對她也愛護有加。
寸小方晒料
阿嬌卻為小方取花名「showoff王」，阿嬌說：「佢係套戲指定游泳顧問，成日跳落水玩長期閉氣，又叫導演同佢比賽，話讓半池，我見佢咁都忍唔住反白眼，好無奈呀。」
撰文：丁寧