港大噚日頒老人牌畀22位資深員工，港大民意調查中心主任鍾庭耀攞25年牌。佢話最難忘係10年前發生嘅民調風波，佢大義滅親指證副校長兼論文老師黃紹倫，對方幾年前退休就冇再見，大家關係淡如水。
煲呔民望肥佬，似老董翻版，鍾庭耀話，煲呔已連續兩次唔及格得49分，如跌到45分就大鑊，暫難評估「起錨」鬧劇有幾大影響。
根據鍾庭耀分析發現，領導人做咗七年就好容易「腳痛」，老董同陳水扁都係人辦，好在煲呔做兩任都係七年，2012年就起身，唔使太擔心。
一齊攞25年牌仲有法律學院院長陳文敏，佢入港大時《基本法》開始草擬，至今香港都未有真普選，實在太慢。法律學系講座教授陳弘毅噚日都攞25年牌。