有「採花大盜」之稱嘅名畫家丁雄泉，5月17號喺美國紐約病逝，享年79歲。丁雄泉出生於江蘇無錫，23歲到巴黎闖天下，四處參觀美術館，半年後將自己舊作全部燒掉，重新創作，未到30歲就成名。
丁雄泉擅長畫美女、花鳥，用色艷麗，風格浪漫奔放，畫作落款會題上「採花大盜」。其作品獲紐約大都會博物館、紐約現代美術館及古根漢美術館等收藏。丁雄泉創作量豐富，喺藝術市場有價有市。
呢位藝術家生前如此形容自己，「我好像早上的花朵，自由及空洞得像藍天般，我不但遭遇不同的經驗，更讓自己的思想在成長中變得完全純潔。我希望活在大自然裏，優美的藝術、音樂、詩篇都使我到達此境界。」藝術家喺另一個世界，應該可以享受最自由嘅創作境界。